Teithio, gofalu, creu? Rydyn ni am glywed gennych chi!

Nid yw graddio bob amser yn arwain yn syth at swydd barhaol neu astudiaeth bellach. Efallai eich bod chi yn teithio, yn gofalu am rywun annwyl, yn gweithio'n llawrydd, yn adeiladu portffolio creadigol - neu hyd yn oed rhwng swyddi ar hyn o bryd. Ac mae hynny'n iawn. Mewn gwirionedd, mae'n fwy cyffredin nag y gallech feddwl.

O ganlyniadau ein harolwg Hynt Graddedigion diweddaraf, mae llawer o raddedigion yn dweud wrthym eu bod yn gwneud rhywbeth heblaw gwaith amser llawn neu astudio. Yn y farchnad swyddi sy'n symud yn gyflym heddiw, mae cyflogaeth draddodiadol yn aml yn eistedd ochr yn ochr ag amrywiaeth eang o rolau, ffyrdd hyblyg o weithio, a gyrfaoedd portffolio. Rydym am gofnodi'r holl brofiadau hyn i adlewyrchu sbectrwm llawn yr hyn y mae graddedigion yn ei wneud ar ôl addysg uwch.

Drwy gwblhau'r arolwg Hynt Graddedigion, rydych chi'n hyrwyddo'r llwybrau amrywiol hyn ac yn sicrhau eu bod nhw'n cael eu nodi a'u deall. Mae eich ymateb yn cyfrannu at ystadegau cenedlaethol a ddefnyddir gan lunwyr polisi, prifysgolion ac ymchwilwyr i lunio gwasanaethau cymorth, cyllid a chyfleoedd yn y dyfodol i raddedigion fel chi.

Nid yw'r arolwg yn ymwneud â chyflogaeth yn unig - mae'n ymwneud â'r hyn rydych chi'n ei wneud, sut rydych chi'n teimlo amdano, a sut mae'n cyd-fynd â'ch cynlluniau ar gyfer y dyfodol. Mewn gwirionedd, fe wnaeth 85% o raddedigion y DU o ddosbarth 2022/23 ddweud bod eu gweithgaredd yn ystyrlon, ac roedd 77% yn teimlo ei fod yn cyd-fynd â'u nodau ar gyfer y dyfodol. Hyd yn oed os ydych chi rhwng swyddi, mae eich stori'n bwysig.

Felly p'un a ydych chi'n creu, yn gofalu, yn darganfod y byd neu'n cynllunio'ch cam nesaf - cwblhewch yr arolwg pan gewch eich gwahodd. Dyma'ch cyfle i gael eich clywed.