Miloedd o leisiau graddedig. Un arolwg
Mae'r arolwg Hynt Graddedigion yn bodoli i wella profiad myfyrwyr y dyfodol. Dyna pam rydyn ni eisiau clywed oddi wrthych. Hoffem ddeall mwy am eich llwybr gyrfa a'ch profiadau ar ôl gadael addysg uwch.
Ar hyn o bryd rydym yn cynnal arolwg o raddedigion a gwblhaodd gwrs AU rhwng Awst i Hydref 2024.
Byddwch yn derbyn e-bost, neges destun a galwad ffôn yn eich gwahodd i gwblhau'r arolwg. Y ffordd gyflymaf o gymryd rhan yw ar-lein, dim ond 10 munud y mae'n ei gymryd i'w gwblhau.
Rydym yn gofyn i'r holl raddedigion rannu eu safbwyntiau, 15 mis ar ôl iddynt orffen eu cwrs, i greu darlun cenedlaethol y mae prifysgolion a cholegau'r DU yn ei ddefnyddio i arloesi eu gwasanaethau.
Mae tablau cynghrair, ‘Prospects’ a ‘The Complete University Guide’ yn defnyddio ein data Hynt Graddedigion i helpu myfyrwyr i wneud penderfyniadau am eu dyfodol.
Pam cymryd rhan yn yr arolwg?
Mae gan eich ymateb i'r arolwg 10 munud y pŵer i ddylanwadu ar bolisi addysg uwch a'r farchnad swyddi graddedigion.
Peidiwch â chymryd ein gair ni amdano...
Rydw i newydd gwblhau'r arolwg Hynt Graddedigion, 15 mis ar ôl graddio o Brifysgol Solent. Rydw i'n cofio yn fy mlwyddyn olaf yn y brifysgol gweld arolwg y cyn-raddedigion a gweld y meysydd posibl y gallai fy ngradd fy arwain atynt - gobeithio y gall fy nghyfraniad ysbrydoli hefyd!"
Jake Plant, graddedig o ddosbarth Prifysgol Solent yn 2023, BA Rheolaeth Busnes
Canlyniadau'r arolwg diweddaraf
O ddosbarth 2022/23...
Data gan raddedigion heddiw, yn grymuso myfyrwyr yfory
Data Hynt Graddedigion yw'r data mwyaf cyflawn sydd ar gael ar y farchnad lafur ar gyfer graddedigion o sefydliadau addysg uwch. Am y rheswm hwn mae ganddo rai defnyddiau eithaf pwerus!
Mae eich adborth yn helpu eich prifysgol / coleg i wella cyrsiau, yn cefnogi myfyrwyr y dyfodol, ac yn cryfhau gwasanaethau gyrfaoedd. Mae hefyd yn llunio craffu cenedlaethol ar addysg uwch a'r farchnad swyddi graddedigion - a ddefnyddir gan lywodraethau, ymchwilwyr, a mwy.
Dyma'r ffyrdd pwerus eraill y mae eich ymatebion i'r arolwg yn cynorthwyo myfyrwyr yfory - cliciwch i ddysgu rhagor:
Dywedwch wrthym am fywyd ar ôl addysg uwch
Mae Hynt Graddedigion yn unigryw am ei fod yn cysylltu â chi mwy na blwyddyn (15 mis) ar ôl i chi orffen eich astudiaethau. Credwn fod hyn yn rhoi amser i chi ystyried gwerth eich astudiaethau yn eich gweithgareddau cyfredol, sut mae hyn yn cymharu â'ch cynlluniau gwreiddiol, a sut rydych yn defnyddio sgiliau y cawsoch yn ystod eich cyfnod mewn addysg.
Chi yw'r unig un sy'n gwybod a wnaethoch adael addysg â'r sgiliau a gwybodaeth angenrheidiol i gyrraedd eich lleoliad presennol. Rydym hefyd yn awyddus i ddeall y llwybrau anhraddodiadol y mae graddedigion yn eu cymryd ar ôl cwblhau eu haddysg. Nid cyflogaeth yw'r unig ganlyniad llwyddiannus: rydym am wybod am yr hyn yr ydych yn ei wneud, gan ddeall yn iawn yr hyn yr ydych yn ei ystyried yn foddhaus.
Rhannwch eich cyfraniad
Er mwyn gwneud hyn yn gyflym ac yn hawdd i chi, rydym wedi creu delwedd i'w rhannu ar eich cyfryngau cymdeithasol.
Yn syml, cadwch hi, lanlwythwch, a thagiwch ni gan ddweud pam y gwnaethoch gwblhau'r arolwg.
